Zitronen Linguini

Malu’s Zitrone Linguini

Zutate für zwe Persone

Pastateig:                                                 

125 gr. Semola (Hartweize)              

75 gr. Määu                                            

2 Eier                                              

Sauce: 

1- 2 Zitrone

2 Chnoblech

50 gr. Parmesan

40 gr. Anke

Olivenööu

300 ml Pastawasser

Füre Pastateig alli Zuetate zumene homogene Teig verchnäte und ne ipackt mindestens 1 Stund im Chüuschrank la ruebe.

Für d Sauce Chnoblech fiin hacke und Parmesan fiin ribe. Peterli wäschen und ou fiin hacke. Zitrone abribe und uspressen. Anke und Olivenööu schmeuze. Chnoblech chlei röste. Zitroneabrieb und Saft id Pfanne lääre, mit Sauz und Pfeffer vorsichtig abschmöcke. Itz zwe Drittu vom Pastawasser derzue lääre und aues ufchoche. 

Itz d’ Nudle i dr Sauce schwänke, bis die chlei idicket. Parmesan und Peterli no drunger zieh. Villech bruchts no einisch chli Pastawasser.