Malu’s Arancini

E voilà – ändlich wieder mal es Rezept. Es isch ja nid so, dass mir hungere 😊

 Zutate für zwe Persone

(mir hei viel Risotto müesse mache bis es einisch gnue Räste gäh het….)

Mozzarellachäs

Trochneti Tomate

200 gr. Risotto vom Vortag (gchochet)

Basilikum

1 Schiibe Schinke

E Panierstrass (Määu, Ei, Paniermääu)

Öu zum frittiere

Tomate und dr Basilikum fiin häckerle, dr Schinke und dr Mozzarella würfele. Das Ganze zu’re Füllig zämerüere und noch chly würze. Uf dr füechte Hand mit em Risottoris e Platte forme und e Löffel Füllig druf tue. Nächär zure Chrugele forme. Die jetzt ganz klassisch paniere und frittiere. Ufem Schiff nime ig nume weneli Öu und tue die Chrugle haut chere…..

Derzue hei mir es Tomatesaläätli mit tou Zibele gha, Mhhhhh es isch eifach fein gsy.

Viu Spass bim Nachechoche!