Malu’s Louch Quiche

Zutate für zwe Persone

(Ja, uf em Boot mache ig sogar dr Chuechteig säuber!)

füre Teig:

200 gr. Määu

chlei Sauz

100 gr. Anke

½ Liter Wasser

Füuig :

1 Zibele

2 Louchstängle

chlei Anke

1 – 2 Ei(er)

2 dl. Nydle (oder Joghurt, Crème Fraiche oder was süsch no so im Chüeuschrank steit u scho lang wägg sött…)

grybene Chäs

Sauz und Pfäffer

Z Määu mit em Sauz ire Schüssle mischle. Dr chaut Anke i chline Stückli derzue schnide und aues vo Hand verbrösmele. E Moude mache und z Wasser derzue lääre. Schnäu zumene Teig zäme tue, ohni z viu z chnäte. Hurti ä Momänt i Chüeuschrank legge.

Zibele und dr Louch fiin schnyde und mit Anke paar Minute brätle. We aues chlei Farb agnoh het, würze und uf d Syte steue. Ds Teigli verrüere und tou würze (ig nime Bouillon) und dr Chäs raffle. Ig tue dr Chäs när grad diräkt is Teigli

Dr Chuecheteig mit em Trööler uswaue und mit dr Gable istäche. Jetzt dr brätlet Loch obedruff verteile und z Teigli drüber lääre. Bache bis es fertig isch.

…ehrlech, es würd auso ou no für ne Bsuecher länge… e Guete!