Das Wetter ist nicht mehr ganz so strahlend, Remo hat eine Magenverstimmung und der Wind fehlt: deswegen Zeit am Anker in der Bordküche zu werkeln...
"Und dank dr Aregig vor Andrea sogar mit Foto :-)"
E voilà – Rezept zum 2.
Zutate für zwe Persone
(so, dass es füre ander Tag no chlei Räste het)
1 Zucchetti
1 Zibele (oder no fasch lieber 1-2 Charlotte)
200 gr. Risottoriis
8 dl. Bouillon
2 dl. Wysse
1 Zitrone (Abriib u e Sprutz Saft)
Anke und Oliveöu
2 Chnoblech
Cherry Tomate
No meh Anke
Tou Parmesan- ganz fiin gribe
Zucchetti fiin würfele und mit eme Sprutz Öu paar Minute brätle. We sie chlei Farb agnoh hei
uf d Syte steue.
D Cherry Tomate ire Ufloufform mit Oliveöu, Chnoblech u bitzeli Sauz i Bachofe tue.
Itz d Zibele fiin häckerle und mit Anke und Öu aschwitze, när dr Riis derzue tue und o no e chly brätle. Zitroneabriib und e toue Sprutz Zitronesaft derzue tue u sofort mit Wyssem ablösche.När aafa d Bouillon naadinaa derzue lääre und geng rüere.
Am Schluss d Zucchetti wieder derzue lääre und mit tou Anke und Parmesan fertig mache.
Porbiere nid vergässe, villech bruchts no chlei meh Zitrone. Zum dekoriiere d Tomate usem Ofe obe druf legge.
Viu Spass bim Nachechoche und e Guete!
Kommentar schreiben